1929 сыллаахха II Наахара нэһилиэгэр ааҕар балаҕаны Платонов Гаврил Петрович тэрийбит уонна сэбиэдиссэйинэн үлэлээбит. Онтон кэлин сэбиэдиссэйдэринэн үлэлээбиттэр: Егоров Матвей Николаевич, Керемясов Илья Иванович.

1955 сыллаахтан Халдьаайыга кулууп таһыгар баар эргэ дьиэҕэ библиотека үлэтин саҕалаабыта. Онно үлэлээбиттэрэ: Анисимова Ирина, Андросова Александра Алексеевна.

1960 сыллаахха биһиги нэһилиэкпитигэр анал библиотечнай үөрэҕи бүтэрэн Маркова Клара Павловна ананан үлэлии кэлбитэ. Клара Павловна анал талан ылбыт идэтинэн биһиги нэһилиэкпитигэр 32 сыл устата ханна да халбарыйбакка үлэлээбитэ.

Клара Павловна Наахара библиотекатын үлэтэ сайдыытыгар сүрдээх үгүс сыратын биэрбит киһинэн буолар. Ол курдук библиотека фондатын хаҥатыыга, алфавитнай, систематическай каталогтары сааһылааһыҥҥа, тематическай паапкалары, картотекалары оҥорон ааҕааччылары тардар, интэриэһиргэтэр дьаһаллары ыыппыт.

Онтон кэлин библиотекардарынан үлэлээбиттэрэ: Федорова Наталья Афанасьевна, Анисимова Раиса Алексеевна. 2011 сылтан Никанорова Ирина Дмитриевна үлэлиибин.